د/عمر عبد الجواد عبد العزيز
ولدي واقف ع الباب
ولا قتلوك يا ولدي الكلاب
يعني مش هشوفك تاني
لحد ما يواريني التراب
قتلوك يا ولدي الكلاب
دا بكره عيد ميلاده
وقالي أنه جاي في ميعاده
يا طول ليلي و سواده
بعد ما ولدي عني غاب
قتلوك يا ولدي الكلاب
دا لسه كان باعتلي جواب
وقال جاي بعد يومين
والمهر جاهز و الدبلتين
و بيضي ياما غرفتين
و نكتب ياما الكتاب
قتلوك يا ولدي الكلاب
خطفوك مني يا ابني
بعد ربنا بيك وهبني
مين غير هيبني
تربتي بعد ما ضهري أنخني .
و شعري شاب
قتلوك يا ولدي الكلاب .
في الجنة تتهني يا ولدي
يا ضي عيني و سندي
مش خسارة أبدأ في بلدي
يا أعز و أغلي الأحباب
قتلوك يا ولدي الكلاب
★★★★★★★★★★★