هتاخد إيه ..... من دنيتك
غير كفنك.......... و كلمتك
و عملك.......... حسب نيتك
لا هتاخد قرش و لا عشرة
مهما طالت. .. بيك العشرة
مصيرك في القبر لحشرة
و لا هنلاقي فيه .... بقيتك
هتاخد إيه ......من دنيتك ..؟؟
ليه تقبل ........ تاكل حرام
رشوة. او عشوة ..من كرام
لو نزل بطنك جرام حرام
تتحاسب ...عليه في آخرتك
هتاخد إيه .......من دنيتك ؟؟
هنتحاسب...... حساب عسير
علي الصغير... و علي الكبير
ع الفتيل و النقير و القطمير
و بعد الحساب تستلم هديتك
أما جنة ...فيها النعيم أشكال
او جحيم فيه العذاب أهوال
علي كل فعل........... أو أقوال
فياربتك تعمل ....... لآخرتك
هتاخد إيه ......من دنيتك ؟؟
★★★★★★★★★★★
د/عمر عبد الجواد عبد العزيز