كتبت هيام محمود
محدش هايجي يقولك انا آسف أنا انسان آناني ومابفكّرش غير في نفسي ومصلحتي ومزاجي وبس..وبستمد مِنّك كل أنواع الطاقة وقت ما أحب ...ولا هيجي يعترفلك انه قد ايه مصّاص شعور ، ومُستنزِف من الدرجة الأولى ...وانه انسان مُستغِل
ولا هيتكلم عن بشاعة أنانيته وانه جاي عليك بزيادة ...ومش شاغله اذا كنت انت مُتضرر من تصرفاته وجشاعة اسلوبه ولا لاء .....
وان شعور " الآنا " مُسيطر عليه ...شاغله مظهره الخارجي بتاعته وبس ....
بيهمه شكله في عيون الناس وانطباع الغير عنه ..بغض النظر عنك وعن متطلّباتك انت واحتياجاتك انت ...
محدش هايجي كده يشوّه صورته قدّامك ويعترفلك بمنتهى الأريحية إنه "عايش عشان ياخد وبس " مُتناسي ولاغي تماماً " العطاء " من قاموس تعامله معاك ....
فَـ ريّح نفسك ...محدش بيش
وف عيوبه غير الشخص السَوي