لحظة وداع_مجلة تبليغ

/عمر عبد الجواد عبد العزيز

مش هسمع  منك ........ كلام 

و وعود  و عهود .... و أحلام 

سلمتلك  قلبي....... .. و روحي 

زودت  بإيدك ..........جروحي

و غرامك  طلع.............  أوهام 

مش هسمع  منك .........كلام 

لا  هينفع.............. تيجي  تاني 

و تشوف........... حبي و حناني 

طلعت في حُبك........... . أناني 

و عيونك ........يغشاها  غمام 

مش هسمع  منك............. كلام

قلت  عليك ............... شبلي 

 و يتلم  بيك ..............شملي 

خيبت  فيك....................  أملي 

و ما  عاد  يفيد  ..... .....ملام 

مش هسمع  منك............. كلام 

انتظرتك..... .  و طال  انتظاري

و زاد  في  بُعدك..........حصاري

جرحوني عيون........... انصاري

و نظراتهم  لقلبي............ سهام 

مش هسمع  منك .... .....كلام 

ابعد  عني ........ ....و انساني 

غرك  بيا..................... إحساني 

واسمك ما هييجي علي لساني 

صفحة و طافحة..عليها  أقلام

مش هسمع  منك  ........كلام  

بكفاية  تمثيل .........و خداع 

قلبي  إتملي ............ أوجاع 

خسارة  فيك . ... كلمة  وداع 

او حتي.................. رد  السلام 

مش هسمع  منك............ كلام 

★★★★★★★★★★★★

د/عمر عبد الجواد عبد العزيز