وبحورانا مع الدكتور شريف ناصر الهدهودي رد قائلا:
اتسالت من كام يوم من متابعين عندي في العياده هل تعتقد يادكتور ان النشويات السبب الرئيسى لزيادة الوزن ؟
فطرحت السؤال دا في معسكري مع المتابعين !
وكتير منكم قالوا ايوه ✔
و قليل قالوا لأ ×
بصراحه حبيت افصل مابينهم جاوبت اناالحقيقة الاجابة مش ايوة و لأ هى mix بين الاتنين
النشويات هى المصدر الرئيسى للطاقة فى الجسم و خاصة المخ و لا غنى عنها فى النظام الغذائى الصحى و هى قاعدة الهرم الغذائى
المشكلة فى ايه ؟
. مصدر النشويات :
.لو المصدر نشويات بسيطة زى العيش الابيض 🥖و المكرونة 🍝و الارز الابيض و المعجنات 🍩🥐الانسولين هيترفع بسرعة جدا و بعدها ينزل بسرعة برده فتحس بالجوع و تاكل اكتر و بالتالى الوزن يزيد و كمان مع الوقت هيحصل مقاومة انسولين و النشويات دى هتتخزن فى الجسم فى صورة دهون
.لو مصدر النشويات خضروات 🥬🫑🍆و فواكه🍓🍊🍏 و نشويات معقدة زى الشوفان و الذرة و البقوليات و العيش و الارز البنى غنى بالالياف هيكون مستوى الانسولين فى الدم مستقر و تحس بالشبع لمدة اطول و الوزن مش هيزيد
.كمية النشويات :
القاعدة بتقول ان النظام الغذائى الصحى نسبة النشويات فيه تكون بين ٤٥-٦٥٪ من السعرات طبعا لو زادت عن كده الوزن هيزيد ❎
لكن لو الكمية مظبوطة الوزن مش هيزيد ✅
.طريقة الطبخ :
طبعا كل ما كانت الطريقة صحية بدهون صحية و كميات صح الوزن مش هيزيد ✅
لكن لو اعتمدنا على التحمير و التسبيك بدهون كتييييير طبعا الوزن هيزيد ❎
👌الخلاصة النشويات لو مصدرها نشويات معقدة و ضمن السعرات المحسوبة و مطبوخة بطريقة صحية يبقى ناكل واحنا مطمنين اللي متحدد منها فقط وهم ربع رغيف عيش بلدي =رغيف عيش سن
٥ملاعق أرز
٥ملاعق مكرونه
وعشان نحس بالشبع نبدا اكلنا بالسلطه والخضار الصحي وبعد كدا البروتين في الاخر النشويات ولو محتاجنهاش خلاص
بنفس الترتيب مش هنحس بجوع وهنشبع من كميات النشويات البسيطه دي .وخلي دا اسلوبنا ديما لان الدايت الصح اسلوب حياة 💪💪👏👏
وبهذا انهي كلامه دكتور شريف ناصر عن تقليل النشويات البسيطه شكر لحضرتك يادكتور
كان معكم داليا فؤاد من مجله تبليغ الاخباريه وحوار مع الاطباء