#بقلم :- شهد نادي
عزيزي طالب ثانوية عامة ،
حابة أقولك انا كنت شبهك كدا بالضبط السنة اللي فاتت ، سنة
المصير "ثانوية عامة" عنق الزجاجه.
انا مريت بكل مرحلة عديت عليك ف ثانوية عامة ، سواء ضغط نفسي ، عصبي ، و حاجات تانية كتير حصلت و لسه متعافتش منها .
- مش مهم تجربتي الشخصية ف ثانوية عامة كانت عاملة ازاي ،
لأن انا مش مقياس ل أي حاجة ده غير أختلاف الظروف و
القرارات التابعة ل وزارة التربية و التعليم ، المهم دلوقتى تجربتك انت .
- كل اللي اقدر اقولهولك ، انت عملت اللي عليك و زيادة طول
السنة ، انت عافرت سنة كاملة لوحدك (في دراستك ، و ف شغلك ،
و ف نفسيتك ، و ف مستقبلك ، و ف تحقيق هدفك ، ......) .
- انت تعبت طول السنة حرفيا ، و اتمرمطت ف الشوارع رايح جاي ،
و ترجع البيت وقت متأخر ، و ممكن تطبق تذاكر كمان لو عندك
امتحان شامل تاني يوم ، ده غير مرمطة عيلتك معاك ، و فلوس
الدروس و الملازم طول السنة غير المراجعات طبعا . انت خدتها سنة جد من الاول و ذاكرت و طلع عينك .
* اللي حابة أقوله من كل ده [ جملة اتقالتي قبل كدا و
مفهمتش معناها عير لما دخلت امتحان العربي بتاع ثانوية عامة ] :-
" متخليش تعب طول السنة و حفرك ف الصخر يضيع ، لمجرد انك
اتوترت ف اللجنة ، او خوفك من الامتحان هيجي ازاي و أيه اللي هيحصل ف بكرا ."
^ الدقيقة تركيز ف الامتحان تساوي سنة كاملة من المعافرة .
_ حرفيا دي اكتر نصيحة اقدر اقدمهالك ، متخليش خوفك من امتحان بكرا ؛ يضيع مجهود سنة كاملة .
- # احب أوضحلك معلومة مهمة ، بسبب الثانوية العامة ، انت
اتحولت شخص تاني جديد ، يختلف ١٨٠ درجة عن النسخة
القديمة ، شخص عارف ان عليه مسؤلية كبيرة جدا ، و خايف لا
يقصر و يطلع مش قدها ، شخص خايف لا يكون معافرته و تغييره
طول السنة يروح هدر .
- احب اطمنك ان مفيش ولا حاجة من دي هتروح هدر ، ربنا شايف
انت تعبت قد ايه و ذاكرت و اتمرمت طول السنة قد ايه ؛ تصحيح
الامتحان و النتيجة ف الآخر مش ب أيدك ، ده مجرد توفيق من
عند ربنا ، اختياره ل كليتك و التنسيق و الاغتراب ده حكمة من
عنده و رحمة . أي كان اللي هيختارهولك ، ف ده عوض ربنا ليك و ل تعبك طول السنة .
- محدش كان ف مكانك ل يوم واحد ، ولا مر ب أي حاجة انت
مريت بيها ؛
كمل جميلك يا بطل ، فاضلك تكة واحدة بس .
انا فخورة بيكوا ✨💫🔥👏🔝💪🌹❤️
🔴 اللهم وَفق طُلاب الثانويه العامه ،
اللهم عَامِلهُم بكرمك وفضلك وأجبر بخاطرهم
اللهم فَرح قُلوبهم ولا تبكي طالبا إلا بدموع الفرح يالله .. ♥️🙏