بكفاية بقي............. مسخرة
و كِبر و نعر ........ و فشخره
الفساد ...........طغي و زاد
في كل ...........أنحاء البلاد
و كتر العناد ....... جابنا ورا
بكفاية بقي............... مسخرة
إتحاد الكورة ........ المرتشي
لا بيخاف .........و لا يختشي
و بالفساد ماشي.........منتشي
و وراه طبلة .........و مبخرة
بكفاية بقي ...........مسخرة
أوقفوا حالاً............... المهزلة
واعرفوا حل.............. المسألة
طهروا المنظومة. ....بمقصلة
و احفرولهم ........كام مقبرة
بكفاية بقي ...........مسخرة
الواحد. علي البلد . ...حزين
من قلة فاسدة .....و خاينين
و سمعتنا بقت... في الطين
بعد ما كنا................. مفخرة
بكفاية بقي............. مسخرة
مستحيل في. عروقكم دم
بفسادكم......... شيلتونا الهم
و لا بقيتوا ......حجر أصم
و ادينا بقينا............. مَعيرة
بكفاية بقي ...........مسخرة
ماعدش في اللاعيبة روح
من الخيانة ... مليانة جروح
وعن الفساد مش قادره تبوح
و حالتنا بقت ........متأخرة
بكفاية بقي ..........مسخرة
★★★★★★★★★★★
د/عمر عبد الجواد عبد العزيز